Meert, de moand van de modersproake!
TWENTE - Nedersaksisch verbeend oons; met mekaar, met oonze natuur en kultuur. ’t Verbeend oons met vergangene generoasies en hoppelik ok met ankommende generoasies. Doarum is ’t van belaank oonze modersproake in de schienlöchte te zetten en bedeankt wiej te hope n’n wieze van doon um oonze modersproake greuts oet te dreagen.
’t Twentehoes, de IJsselacademie en ’t Histories Centrum Oaveriesel zet te hope met de Proveencie Oaveriesel in meert n’n moand laank bedrievigheden op touw woarbiej ’t Nedersaksisch n’n heufdrol spölt.
- 1 meert webinair ‘Mooit te kiek'n' van 19.30 tut 20.15 uur.
- Op zonn 160 Overieselse schole bint d'r in meert de leerpäkke en 't dialekt tiedschrift van Wiesneus.
- Op 3 meert is d'r 'n biejeenkömst van de Stoaten in 't proveensiehoes in 't Nedersaksisch.
- Gedeputeerde Roy de Witte geet disse moand op waarkbezeuk biej n’n zoarginstelling dee de modersproake juust gebroekt um de leu een ‘hoeskunnig’ geveul te geaven.
- Te hope met de plaatselikke en de regionale media goat wie an ’t zeuken noar ’n bedrief dat ’n besten liefsprökke hef in oonze sproake.
- Elken Oaverieselaar met geveul veur taal kan metdoon an 't Dichtweark ‘Tuus'. Dit tema heb wiej oetzöcht umdat oons "thoes" dit vergangene coronajoar n'n groten rol hef e-spölt.
- Wiej sloet de moand meert of met ’n daverende online vuurstelling van ’t Nedersaksisch boegbeeld Bökkers. De proveencie gef veur niks online toogangsbewiese veur alle anhangers.
Meer lecht oaver alle bedrievigheden is d'r op te doon vanof 25 februari op overijssel.nl/nedersaksisch.