Logo almeloosweekblad.nl


Gerard Vloedbeld (1884-1961) is de auteur van het boekje over Mans Kapbaarg, een Twentstalige uitgave en staat vermeld in de Mans Kapbaartunnel
Gerard Vloedbeld (1884-1961) is de auteur van het boekje over Mans Kapbaarg, een Twentstalige uitgave en staat vermeld in de Mans Kapbaartunnel (Foto: Sietze Steinvoorte)

Uit het leven van Mans Kapbaarg, Twentstalige uitgave

ALMELO - Almelo heeft de Mans Kapbaargtunnel onder het spoor in de Wierdensestraat. De wanden van de tunnel zijn bekleed met voorstellingen (mozaïeken) uit het leven van Mans Kapbaarg. Over deze mozaiëken is het nodige te vertellen, maar onderstaande gaat over de belevenissen van Mans in het Europa van rond 1810, het tijdperk van Napoleon. Gerard Vloedbeld (1884-1961) is de auteur van het boekje over Mans Kapbaarg. Het is een Twentstalige uitgave. Het Nedersaksisch is nu een officiële taal.

Het schuingedrukte is geschreven door G. Vloedbeld

Tegen 't hoonderoopvlegen (schemmer) van nen kaolen dag in 't begin van februwarie 1813 zat 'n aolen Kapbaargsboer met de vrouw an 'n schaddenheerd (heardveur) en keek verleuren duur de kleane roeten aower 'n eenleustigen Griwwel (bouw- en weiland biej 'n Krommendiek in Almelo), den dik onner 'n snee lea. Oop ees zeg e: 'Kiekt daor ees nen rowmoos  van nen keerl achter 'n kaamp hen kommen. Wel dén vannach te lozeren krig, mag de la van 't kamnet wal oop slot doon'. De moder, dee ne sökke zat te stoppen, keek non ook aower 't gazenetjen (horretje) hen. 'Verduld, hee hoolt 't hier oop an', zeg ze. 'Zö'w de plaank oop de duur doon? Zuk umleupsel he'k nich hoge'. Mét klinken de baowenduur ok a lös en stön den rowmoos in de kökken. Zien haor stök verbiesterd  onner de beermus hen, nen langen baord höng em vertesteweerd oop de brede böst. En buis en bokse zatten em as loompen an 't lief - nen keerl oet de keukelkaor (woonwagen) kon der nich schooierachtiger oet zeen. 'Mien zeel, 't is oonzen Mans!' zeg Kapbaargs moder en völ eeren zön um 'n hals.

In 1813 woonde Mans Kapbaarg an de Krommendiek, 'n boerschop kortbiej Almelo. Rechtervoort (dizzertieds) steet doar de Canisiusschool. Mans was in 1808 noar Spannie en in 1812 noar Ruslaand wes. Nich met de OAD of TUI, mer gewoon op zienen broenen (peerd). Hee was soldoat west in de armee van Napoleon met zien kammeroaden Jans Wagenrong en Naats Gruttenmel. Joa leu, Mans kon aover de weald met proaten. En dat deer'e ok geern in 't draankhoes van Bennaats an 't Plesken. En zien geschichten wörden al mer mooier. Nicht allenig deur zien inbeelding, mer ok deur de foezel (goodkope janeaver). Nen hierlaandsen borrel geet er met strieken, as 't koold is. Schoonwal in de zommerdag spiej ik der ok nich in, zee Mans.

Mans was ne Hunne van 'n kearl zo zee'j ze vandage an 'n dag nich meer! Vol oet zes voot laank, scholders breed, aarme van iezer en staol - iej konnen em nen bouwstraampen oop 'n bloten baowenaarm kot houwen, zonder dat 't em an 't geveul kwam. Biej Bennaats an 't Plesken göng e ees 'n maol aouwer twee steul liggen, 'n kop oop 'n enen en de hakken oop 'n anderen stool, doo mochen em dree keerls oop lief en bene gaon zitten en dat heul hee 'n Vaderonze te bidden oet zoonder duur te zwokken.

Doot um dat mer 's noa. 't Lukt miej nich. Mans, Naats en Jans beleawt nog völ mer in 't Spaanse laand. En ok in Ruslaand en biej Waterloo. Mer dat zö'j zölf mer leazen. En a'j 't leazen hebt kö'j met Vloedbeld zeggen: Eenmoal lachen is joa better, as dreemoal mesienen innemmen.

Meer berichten




Shopbox